هذا واحد مسكين راح للمطعم هوة و زوجته
شوفو شسوت بيه
هو :
رح اطلب كص .. تريدين شي؟'
هي:
'لا.'
هو :
'اوكي.'
هي :
'او اكولك ..؟'
هو:
'ها .. اطلب الج شي؟'
هي :
'ما ادري.'
هو :
'متدرين تريدين لو لا؟'
هي :
'لا.'
هو :
'انتي جوعانة؟'
هي:
'يعني ..'
هو :
'شلون يعني...؟'
هي:
'يعني معناها مو متأكدة اذا جنت جوعانة لو لا.'
هو:
'الواحد من يجوع يعرف'
هي :
'احتمال اجوع بعدين'
هو:
'يعني اطلب الج كص مثلي.'
هي :
'زين واذا اجه الطلب واني مو جوعانه..؟'
هو:
'لا تاكلين.'
هي:
'بس هذا يسموه تبذير'
هو:
'زين اطلبي واذا مو جوعانه اكليه باجر.'
هي:
'واذا باجر ما عجبني اكل كص؟'
هو :
'الكص بكل وقت ينوكل مو اله الج نفس '
هي:
'اني لا .. ما اكل الكص الا اذ عاجبني اكل كص.'
هو:
'اطلب الج غير شي '
هي:
'بس اني ما اريد شي ثاني'
هو:
'يعني تريدين كص؟.'
هي:
'لا.'
هو :
'يعني ما تريدين شي؟.'
هي:
'اريد.'
هو :
'ولج خبلتيني شتريدين؟'
هي :
'اطلب انت وحدك..'
هو:
'اخيرا ... ماشي..'
هي:
'بس اطلب كص ناشف'
هو:
'بس اني ما احبه ناشف الكص.'
هي :
'بس اني احبه.'
هو :
'هوووووو اني رح اطلب الي لو الج ...؟!'
هي:
'الك طبعا.'
هو :
'لعد شنو ناشف. ..؟'
هي:
'يجوز اجوع من يوصل الاكل'
هو:
'و شنو يعني؟'
هي :
'بالله؟ يعني تريدني اكل شي ميعجبني؟'
هو:
'ليش انتي تريدين تاكلين؟'
هي :
'ليش لا ؟'
هو :
' يا مثبت العقل و الدين .. يعني اطلب اني اكل
حتى تاكليه انتي اذا جوعانه؟؟'
هي:
'بالضبط.'
هو:
'واني شنو اكل؟'
هي:
'مو احتمال اني من يجي الاكل مو جوعانه...'
ملاحظة:
محكمة الجنايات قررت الافراج عن الزوج المتهم بتهمة
' قتل الزوجة مع سبق الاصرار و الترصد'
و تحويل القضية الى 'قتل الزوجة دفاعا عن النفس
